PROXECTO GAMA

Fabricaranse dous produtos finais a partir da madeira do eucalipto, ambos de base celulósica e, por conseguinte, biodegradables. Un deles serán as fibras solubles para aplicacións téxtiles, que se venderán soamente a industrias do sector téxtil e que non serve para as “habituais” industrias papeleiras. Outro será o Lyocell, unha fibra téxtil coa mesma base celulósica, que se producirá na mesma planta utilizando directamente o primeiro produto como materia prima.

Cabe destacar que o Lyocell é unha fibra 100% biodegradable, que non carrexa a xeración de microplásticos que poidan chegar a ríos ou océanos, como sucede coa maioría das fibras téxtiles que se producen e utilizan actualmente (p.e. poliéster).

Non. Nesta planta extraerase a celulosa da madeira para producir exclusivamente fibras téxtiles e/o fibras solubles que é a materia prima para aplicacións téxtiles. É dicir, son produtos diferentes da pasta de papel, cun proceso de produción distinto e, por tanto, os seus impactos tamén son diferentes.

A fábrica está deseñada para chegar a producir anualmente un máximo de 400.000 toneladas de fibras solubles que é a materia prima para aplicacións téxtiles, das cales 200.000 toneladas serán destinadas directamente a produción de Lyocell e/ou outras fibras téxtiles. O obxectivo é que nun futuro se poida integrar a totalidade das fibras solubles en produción de Lyocell. Parte desta ampliación pode ser feita a partir de procesos de reciclaxe de tecidos téxtiles a incorporar no proceso produtivo xa existente.

Así é. Unha parte utilizarase directamente para producir Lyocell nas propias instalacións e outra parte venderase á industria de produción de fibras téxtiles sostibles de características similares á nosa.

De acordo coas últimas previsións e estudos realizados, o investimento será superior aos 850 millóns de euros e espérase un apoio por parte do Goberno central en torno ao 25% do total do investimento, sobre o cal existen conversacións directas neste sentido.

A planta de Greenfiber nutrirase de eucalipto excedente, que actualmente se está comercializando fóra de Galicia por falta de mercado interior. Isto implicará un beneficio para o sector madeireiro, ao poder vender esa madeira en proximidade, reducindo os custos de transporte.

Non, en absoluto. O eucalipto que se utilizará na planta é o que xa se está producindo actualmente. Non será necesario incrementar a superficie das plantacións.

A auga será depurada antes da devolución, cumprindo rigorosamente con todos os parámetros esixidos no Plan Hidrolóxico Galicia Costa 2021-2027 (PHGC, que é máis restritivo que calquera outro plan europeo). Isto garante que non se afectará o estado actual do río Ulla, tal e como reflicten os estudos de dispersión realizados da auga devolta ao río.

Tal e como contempla a lei, o proceso garante que a auga retornada ao río, ao mesturarse co caudal natural, non provocará unha variación da temperatura do mesmo maior de tres graos por encima ou por baixo.

Trátase dunha cuestión estritamente técnica. O encoro de Portodemouros presenta malas condicións hídricas, con nitróxeno, fósforo, etc. Isto significa que temos que sobrecargar o noso tratamento de auga para eliminar estes mesmos produtos. Polo momento, a tecnoloxía non permite reutilizar máis auga purificada, xa que a carga de tratamento da auga para a fábrica é moi alta.

O tratamento previo dos gases garante que, en todos estes parámetros, as concentracións están por baixo das esixidas nas mellores técnicas dispoñibles da comunidade europea (BREF’s). A altura de 75 m para a cheminea foi precisamente definida en base a un estudo de dispersión que garante a non afectación prexudicial á saúde humana ou dos animais.

Todos os gases antes de ser emitidos á atmosfera serán debidamente tratados, garantindo non só o cumprimento de todas as concentracións que a lei esixe, senón mesmo indo máis aló nalgúns destes parámetros. Así, nestas condicións, xa comprobadas no estudo de dispersión realizado, demóstrase que non hai posibilidade de que ocorran as denominadas “choivas acedas”.

Non. O proceso técnico é diferente ao das antigas celulosas de papel. Nesta planta empregaranse as máis avanzadas tecnoloxías onde todos os gases olorosos serán captados para ser reutilizados no proceso de produción de enerxía. Deste xeito pódese dicir que será unha planta con ausencia de malos cheiros.